Ispaniya chempionatining 32-turidan o‘rin olgan so‘nggi o‘yinda «Barselona» o‘z maydonida sensasion tarzda «Kadis»ga imkoniyatni boy berdi – 0:1.

Ushbu uchrashuv mehmonlar uchun La Liga grand jamoalariga qarshi navbatdagi muvaffaqiyatli o‘yin bo‘ldi. «Kadis» birinchi davrada ham «Barsa», keyin esa «Real» bilan durang o‘ynagan.

Qizig‘i shundaki, «Real»ga qarshi o‘yinda ham «sariq-ko‘klar» o‘z darvozasi dahlsizligini saqlab qolgan. «Kadis» darvozaboni Xeremias Ledesma darvozasi tomon yo‘llangan sakkizta zarbaning hammasini qaytargan va birorta ham gol o‘tkazib yubormagan.

Bugun «Barselona» futbolchilari argentinalik darvozabon darvozasi tomon madridliklardan ham ko‘proq – to‘qqiz marta zarba berishdi, lekin gol ham ura olishmadi.

Ma’lumot o‘rnida, «Kadis» joriy mavsumdagi oltinchi g‘alabasini qo‘lga kiritdi.