Испания чемпионатининг 32-туридан ўрин олган сўнгги ўйинда «Барселона» ўз майдонида сенсацион тарзда «Кадис»га имкониятни бой берди – 0:1.

Ушбу учрашув меҳмонлар учун Ла Лига гранд жамоаларига қарши навбатдаги муваффақиятли ўйин бўлди. «Кадис» биринчи даврада ҳам «Барса», кейин эса «Реал» билан дуранг ўйнаган.

Қизиғи шундаки, «Реал»га қарши ўйинда ҳам «сариқ-кўклар» ўз дарвозаси даҳлсизлигини сақлаб қолган. «Кадис» дарвозабони Херемиас Ледесма дарвозаси томон йўлланган саккизта зарбанинг ҳаммасини қайтарган ва бирорта ҳам гол ўтказиб юбормаган.

Бугун «Барселона» футболчилари аргентиналик дарвозабон дарвозаси томон мадридликлардан ҳам кўпроқ – тўққиз марта зарба беришди, лекин гол ҳам ура олишмади.

Маълумот ўрнида, «Кадис» жорий мавсумдаги олтинчи ғалабасини қўлга киритди.