«Manchester Siti» Dortmundning «Borussiya» klubi hujumchisi Erling Xoland bilan kelishuvga erishdi, deb xabar beradi Daily Mail.
Manbaga ko‘ra, «Manchester Siti» Xolandga haftasiga 600 ming yevro maosh taklif qilgan, bu esa uni APLning eng ko‘p maosh oluvchi futbolchisiga aylantirgan. «Shaharliklar» Xoland bilan besh yillik shartnoma imzolashga tayyor va kelishuv kelasi haftadayoq yakunlanishi mumkin.
Eslatib o‘tamiz, Xoland 2020 yilning yanvar oyida «Zalsburg»dan 20 million yevro evaziga «Borussiya Dortmund»ga o‘tgan edi. Joriy mavsumda norvegiyalik hujumchi Germaniya Bundesligasida 20ta o‘yinda qatnashib, 18ta gol va 7ta golli uzatmani amalga oshirdi.
