Saudiya Arabistonining "Al-Faysaliy" klubi bosh murabbiyi Marinos Uzunidis Osiyo chempionlar ligasi guruh bosqichi 4-turi doirasida bo‘lib o‘tadigan "Nasaf"ga qarshi o‘yin oldidan o‘z fikrlari bilan o‘rtoqlashdi.

"Bu galgi o‘yin ham avvalgisidan farq qilmasa kerak. Raqib yanada ko‘proq bosim uyushtirishi mumkin. Chunki "Nasaf" mag‘lub bo‘lsa, pley-offga chiqish imkoniyatini pasaytiradi. Biz esa oldinga o‘yinda qo‘lga kiritilgan g‘alabani unutgan holda o‘ynaymiz.

"Nasaf"ni yaxshi bilamiz. Bu jamoa ertaga o‘z o‘yin uslubini o‘zgartirishi mumkin", — dedi gresiyalik mutaxassis.

Shuningdek, "Al-Faysaliy" futbolchisi Solih al-Qumayziy ham matbuot anjumanida ishtirok etib, o‘z fikri bilan o‘rtoqlashdi.

"Bu o‘yin biz uchun muhim ahamiyatga ega. O‘z hisobimizga navbatdagi 3 ochkoni qo‘shib qo‘ymoqchimiz. Safimizda professional murabbiylar va shifokorlar bor. Ular bizni o‘yinga yaxshi tayyorlashmoqda. Ramazon oyining boshida biroz qiynalayotgandik, endi esa hammasi joyida, Xudoga shukur", — dedi futbolchi.

Eslatib o‘tamiz, "Al-Faysaliy" - "Nasaf" o‘yini bugun tunda — Toshkent vaqti bilan 01:15da boshlanadi.