Dortmundning "Borussiya" klubi hujumchisi Erling Xoland katta ehtimol bilan "Real"ga o‘tmaydi.
Madrid klubi 21 yoshli hujumchining transferi bo‘yicha jiddiy muzokaralar olib borayotgani yo‘q, dedi jurnalist Xosep Pedrerol El Chiringuito telekanaliga.
Xabar qilinishicha, "Real" hujumchining maoshi talablaridan, shuningdek, uning jarohatidan qo‘rqmoqda.
Oldinroq norvegiyalik futbolchi "Manchester Siti" bilan haftasiga 500 ming funt sterling maosh bilan 5 yillik shartnoma borasida kelishib olgani haqida xabar berilgandi. Transfer yaqin kunlarda amalga oshirilishi mumkin.
Joriy mavsumda Xoland “Borussiya” safida barcha turnirlarda 26 ta o‘yinda maydonga tushib, 25 ta gol urdi va 7 ta golli uzatmani amalga oshirdi.
