Дортмунднинг "Боруссия" клуби ҳужумчиси Эрлинг Холанд катта эҳтимол билан "Реал"га ўтмайди.

Мадрид клуби 21 ёшли ҳужумчининг трансфери бўйича жиддий музокаралар олиб бораётгани йўқ, деди журналист Хосеп Педрерол El Chiringuito телеканалига.

Хабар қилинишича, "Реал" ҳужумчининг маоши талабларидан, шунингдек, унинг жароҳатидан қўрқмоқда.

Олдинроқ норвегиялик футболчи "Манчестер Сити" билан ҳафтасига 500 минг фунт стерлинг маош билан 5 йиллик шартнома борасида келишиб олгани ҳақида хабар берилганди. Трансфер яқин кунларда амалга оширилиши мумкин.

Жорий мавсумда Холанд “Боруссия” сафида барча турнирларда 26 та ўйинда майдонга тушиб, 25 та гол урди ва 7 та голли узатмани амалга оширди.