Daily Mail nashri xabariga ko‘ra, «Byornli» darvozaboni Nik Poupga «Vest Xem» qiziqish bildirmoqda.

Manbaning xabariga ko‘ra, London klubi Poupni jamoada ijara asosida o‘ynayotgan, mavsum oxirida «bolg‘achilar» safini tark etishi mumkin bo‘lgan Alfons Areolaga o‘rinbosar sifatida ko‘rmoqda. «Vest Xem» fransiyalik darvozabonni «PSJ»dan 12,1 million yevroga sotib olishi mumkin, biroq rahbariyat uchun Nik nomzodi ma’qul kelmoqda.

30 yoshli ingliz futbolchisi 2016 yilda «Charlton»dan «Byornli»ga o‘tgan edi. O‘shandan beri u klub safida 148 marta maydonga tushgan. Uning amaldagi shartnomasi 2023 yilning yoziga qadar mo‘ljallangan, ammo yana bir yilga uzaytirilishi mumkin.

Poup joriy mavsumda «qizillar» safida barcha musobaqalarda 32 ta o‘yinda maydonga tushib, 43 ta gol o‘tkazib yuborgan va 7 marta o‘z darvozasi daxlsizligini saqlab qolgan. Futbolchining narxi 15 mln yevroga baholanagan.