Daily Mail нашри хабарига кўра, «Бёрнли» дарвозабони Ник Поупга «Вест Хем» қизиқиш билдирмоқда.
Манбанинг хабарига кўра, Лондон клуби Поупни жамоада ижара асосида ўйнаётган, мавсум охирида «болғачилар» сафини тарк этиши мумкин бўлган Альфонс Ареолага ўринбосар сифатида кўрмоқда. «Вест Хэм» франциялик дарвозабонни «ПСЖ»дан 12,1 миллион еврога сотиб олиши мумкин, бироқ раҳбарият учун Ник номзоди маъқул келмоқда.
30 ёшли инглиз футболчиси 2016 йилда «Чарлтон»дан «Бёрнли»га ўтган эди. Ўшандан бери у клуб сафида 148 марта майдонга тушган. Унинг амалдаги шартномаси 2023 йилнинг ёзига қадар мўлжалланган, аммо яна бир йилга узайтирилиши мумкин.
Поуп жорий мавсумда «қизиллар» сафида барча мусобақаларда 32 та ўйинда майдонга тушиб, 43 та гол ўтказиб юборган ва 7 марта ўз дарвозаси дахлсизлигини сақлаб қолган. Футболчининг нархи 15 млн еврога баҳоланаган.
