«Kristal Pelas»da ijara asosida o‘ynayotgan «Chelsi» yarim himoyachisi Konor Gallaxer «aristokratlar»ga qaytmasligi mumkin, deb xabar beradi Sky Sports.
Manbaga ko‘ra, «Kristal Pelas»ning rahbari Stiv Perish Gallaxerning ijarasi tugaganidan keyin jamoasida saqlab qolmoqchi. Konordan tashqari Parish o‘z klubida «Chelsi»ning yana bir futbolchisini, ya’ni 2017/18 yilgi mavsumda «burgutlar»da o‘ynagan Ruben Loftus-CHikni ham ko‘rishni istaydi.
Gallaxer «Chelsi» tarbiyalanuvchisi. Ammo u hali asosiy jamoasida debyut qilgani yo‘q. Futbolchining londonliklar bilan shartnomasi 2025 yilgacha mo‘ljallangan.
Joriy mavsumda 22 yoshli angliyalik futbolchi klub safida barcha turnirlar doirasida 32 ta o‘yinda maydonga tushib, 8 ta gol va 5 ta golli uzatmani amalga oshirdi. Uning narxi 25 mln yevroga baholanmoqda.
