«Bavariya» yaqin kunlarda «Ayaks» himoyachisi Nusayr Mazraui bilan muzokaralarni yakunlaydi. Marokashlik futbolchi erkin agent sifatida nemis klubga o‘tadi. Bu haqda jurnalist Fabrisio Romano tvitterdagi sahifasida xabar berdi.

Manba bergan xabarga ko‘ra, klub so‘nggi uchrashuvda Mazrauining agenti Mino Rayola bilan og‘zaki kelishuvga erishilgan, biroq shartnoma hali imzolanmagan.

24 yoshli Mazraui joriy mavsum «Ayaks» safida barcha turnirlarda 33 ta o‘yinda maydonga tushib, 5 ta gol va 4 ta golli uzatmaga mualliflik qilgan.

Mazraui Gollandiya klubi tarbiyalanuvchisi hisoblanadi. Futbolchining bozor narxi 20 million yevroga baholanmoqda.