«Бавария» яқин кунларда «Аякс» ҳимоячиси Нусайр Мазрауи билан музокараларни якунлайди. Марокашлик футболчи эркин агент сифатида немис клубга ўтади. Бу ҳақда журналист Фабрицио Романо твиттердаги саҳифасида хабар берди.
Манба берган хабарга кўра, клуб сўнгги учрашувда Мазрауининг агенти Мино Райола билан оғзаки келишувга эришилган, бироқ шартнома ҳали имзоланмаган.
24 ёшли Мазрауи жорий мавсум «Аякс» сафида барча турнирларда 33 та ўйинда майдонга тушиб, 5 та гол ва 4 та голли узатмага муаллифлик қилган.
Мазрауи Голландия клуби тарбияланувчиси ҳисобланади. Футболчининг бозор нархи 20 миллион еврога баҳоланмоқда.
