Myunxenning «Bavariya» klubi «Ayaks» yarim himoyachisi Rayan Gravenberxga qiziqish bildirmoqda, deya xabar bermoqda De Telegraaf.
Manbaga ko‘ra, myunxenliklar rahbariyati 19 yoshli niderlandiyalik futbolchi uchun 17 million yevro, shuningdek, bonus sifatida 6 millionni taklif qilmoqda.
Biroq, bu taklif qilingan mablag‘ o‘z futbolchisi uchun kamida 30 million talab qiladigan «Ayaks» jamoasini qoniqtirmadi.
Gravenberxning Amsterdam klubi bilan shartnomasi 2023 yilning yoziga qadar amal qiladi. Transfermarkt portali yarim himoyachini 35 million yevroga baholamoqda.
Gravenberx joriy mavsumda «Ayaks» tarkibida 40 ta o‘yinda maydonga tushib, 3 ta gol urdi va 6 ta golli uzatmani amalga oshirdi.
