Мюнхеннинг «Бавария» клуби «Аякс» ярим ҳимоячиси Райан Гравенберхга қизиқиш билдирмоқда, дея хабар бермоқда De Telegraaf.

Манбага кўра, мюнхенликлар раҳбарияти 19 ёшли нидерландиялик футболчи учун 17 миллион евро, шунингдек, бонус сифатида 6 миллионни таклиф қилмоқда.

Бироқ, бу таклиф қилинган маблағ ўз футболчиси учун камида 30 миллион талаб қиладиган «Аякс» жамоасини қониқтирмади.

Гравенберхнинг Амстердам клуби билан шартномаси 2023 йилнинг ёзига қадар амал қилади. Transfermarkt портали ярим ҳимоячини 35 миллион еврога баҳоламоқда.

Гравенберх жорий мавсумда «Аякс» таркибида 40 та ўйинда майдонга тушиб, 3 та гол урди ва 6 та голли узатмани амалга оширди.