Ispaniya La Ligasining 32-turidan o‘rin olgan so‘nggi o‘yinda «Barselona» o‘z maydonida «Kadis»ga mag‘lub bo‘ldi. Odingi uchrashuvda jarohat olgan Kataloniya jamoasi futbolchisi Pedri ushbu o‘yinda klubiga yordam bera olmadi va bu darhol ispan superklubi hujumlari samaradorligiga ta’sir qilgan.
Quyidagi raqamlar futbolchining «Barselona»dagi roli haqida ma’lumot beradi. Ya’ni Pedri bilan «Barselona» mumkin bo‘lgan ochkolarning 89 foizini (36 tadan 32) qo‘lga kiritgan bo‘lsa, usiz mumkin bo‘lgan ochoklarning atigi 49 foizini olishni uddalagan.
Joriy mavsumda Pedri Ispaniya chempionatida bor-yo‘g‘i 12 ta o‘yin o‘tkazib, 3 ta gol va 1 golli uzatma muallifiga aylangan.
