O‘zbekiston Kubogi 3-tur doirasida bo‘lib o‘tgan AGMK-"Zomin" jamoalari o‘rtasidagi uchrashuvdan keyin olmaliqliklar bosh murabbiyi Mirjalol Qosimov o‘yin haqidagi fikrlari bilan o‘rtoqlashdi.

«O‘yin qiziqarli va hujumkor ruhda o‘tdi. Ishonchli g‘alabaga erishib, muxlislarga quvonch bag‘ishlaganimizdan xursandman. O‘zbekiston kubogidagi minimal vazifani bajarib, guruhdan chiqqanimiz bilan ishqibozlarimizni tabriklayman. «Zomin» jamoasi ham bugun yetarlicha qarshilik ko‘rsatishga urindi, o‘tgan o‘yinlarda bekorga ochko olmaganini isbotladi. Lekin biz raqibni kerakligicha o‘rganib, ularga qarshi aniq reja asosida o‘ynadik. O‘yin uchun futbolchilarga minnatdorchilik bildiraman. Jamoamiz o‘yindan-o‘yinga o‘z futbolini yaxshilab, kerakli natijalarga erishmoqda. Buyog‘iga Superliga o‘yinlari davom ettiriladi. Yaqin 1 oy davomida chempionat doirasida 7 o‘yinda ishtirok etamiz. Navbatdagi uchrashuvlarga jiddiy tayyorgarlik ko‘ramiz va muxlislarni xursand etish uchun ishlaymiz» - dedi Qosimov.