Bugun «Liverpul»ning «Manchester Yunayted»ga qarshi o‘yinida dubl qayd etgan Muhammad Saloh Premyer-liganing bir mavsumida «qizil iblislar» darvozasiga gol kiritish bo‘yicha chempionat rekordini o‘rnatdi.

Misrlik hujumchi joriy mavsum APLning ikkita o‘yinida «Yunayted» darvozasiga beshta gol urdi. Birinchi davradagi bahsda Saloh xet-trik muallifiga aylangandi, bu «Liverpul»ga «Old Trafford»da yirik hisobdagi g‘alabani qo‘lga kiritishga yordam berdi – 5:0. «Enfild»dagi bugungi uchrashuvda «Liverpul» yulduzi yana ikkita gol urib, manchesterliklarni yana bir marta ranjitdi va mersisaydliklar yirik hisobda g‘alaba qozondi - 4:0.

Etiborlisi, Muhammad Saloh bugungi dublgacha klub va terma jamoa uchun barcha turnirlarda ketma-ket sakkizta uchrashuvda gol ura olmagandi.