OCHL-2022. "E" guruhi 4-turidan o‘rin olgan "Al Faisaly" - "Nasaf" uchrashuvidan so‘ng jamoamiz bosh murabbiyi Ro‘ziqul Berdiyev va uchrashuvning eng yaxshi futbolchisi deb topilgan Umarbek Eshmurodovlar matbuot anjumanida ishtirok ishtirok etishdi.
- "Bugun g‘alaba uchun maydonga chiqdik, g‘alaba uchun kurashdik.
O‘yinda ustunlikka erishdik, ko‘plab vaziyatlar yaratdik, biroq hujumdagi kamchiliklarimiz bizga pand berdi" - deydi Ro‘ziqul Berdiyev.
Umarbek Eshmurodov: Albatta biz yutish uchun o‘ynadik, lekin gol urish bobida omad kelmadi. Keyingi o‘yinlarda yaxshi natija uchun kurashamiz.
So‘ngi ikki o‘yindan buyon gol ura olmayabsizlar bu keyingi ikki turda sizga muammo tug‘dirmaydimi?
Ro‘ziqul Berdiyev: Bu faqat bu turnirda emas, bizning umumiy muammomiz, Norchayev o‘tgan yili ko‘plab gollar urgandi biroq bu mavsumda o‘yini chiqmayapti. Nafaqat hujum balki yarim himoyachilarimiz ham biz kutgan o‘yinni ko‘rsata olishmayabdi. Keyingi o‘yinlarda bu xatolarni to‘g‘irlashga harakat qilamiz.
