Milanning «Inter» klubi hujumchi Lautaro Martinesni sotish yoki hech bo‘lmaganda keyingi mavsumda jamoada qoldirish borasida muammoga duch kelmoqda.
Martines sotuvga qo‘yilishi mumkin bo‘lgan futbolchilar ro‘yxatida bor. Chunki aynan uning transferidan klub qarzlarni yopish va moliyaviy muammolarni hal qilish uchun kerakli mablag‘ni olishi mumkin. Argentinalik hujumchi so‘nggi paytlarda «Tottenxem»ga o‘tishi mumkinligi aytilmoqda. Londonda futbolchini «Inter»ning sobiq bosh murabbiyi Antonio Konte kutmoqda.
Eslatib o‘tamiz, kecha Lautaro Martines «Milan» darvozasiga dubl qayd etib, «Inter»ni Italiya kubogi finaliga olib chiqqan edi.
