Dortmundning "Borussiya" klubi yarim himoyachisi Jud Bellingem "Real"ning yozgi transfer oynasidagi asosiy maqsadlaridan biriga aylandi, deb xabar beradi Daily Mail.
Manbaga ko‘ra, "qaymoqranglilar" yosh futbolchini sotib olish uchun katta mablag‘ sarflashga tayyor. Madrid klubi boshliqlari bu transferni o‘zlarining buguni va kelajagiga uzoq muddatli sarmoya deb bilishadi.
Bellingem 2020 yilda Angliyaning "Birmingem" jamoasidan Dortmundning "Borussiya"siga 25 million yevro evaziga o‘tgan edi. Endi futbolchining transfermarkt saytidagi narxi 75 million yevroga baholanmoqda. O‘yinchining "arilar" bilan shartnomasi 2025 yilgacha mo‘ljallangan.
Joriy mavsumda 18 yoshli angliyalik nemis klubi safida barcha turnirlar doirasida 40 ta o‘yinda maydonga tushib, 6 ta gol urdi va 13 ta golli uzatmani amalga oshirdi.