Дортмунднинг "Боруссия" клуби ярим ҳимоячиси Жуд Беллингем "Реал"нинг ёзги трансфер ойнасидаги асосий мақсадларидан бирига айланди, деб хабар беради Daily Mail.
Манбага кўра, "қаймоқранглилар" ёш футболчини сотиб олиш учун катта маблағ сарфлашга тайёр. Мадрид клуби бошлиқлари бу трансферни ўзларининг бугуни ва келажагига узоқ муддатли сармоя деб билишади.
Беллингем 2020 йилда Англиянинг "Бирмингем" жамоасидан Дортмунднинг "Боруссия"сига 25 миллион евро эвазига ўтган эди. Энди футболчининг трансфермаркт сайтидаги нархи 75 миллион еврога баҳоланмоқда. Ўйинчининг "арилар" билан шартномаси 2025 йилгача мўлжалланган.
Жорий мавсумда 18 ёшли англиялик немис клуби сафида барча турнирлар доирасида 40 та ўйинда майдонга тушиб, 6 та гол урди ва 13 та голли узатмани амалга оширди.