«Manchester Yunayted» himoyachisi va sardori Garri Maguayrning uyiga bomba qo‘yilishi xavfi bor, deb xabar bermoqda Daily Mail.

Manbaga ko‘ra, futbolchining elektron pochtasiga xotini va ikki farzandi bilan yashayotgan uyda portlash sodir bo‘lishi mumkinligi haqida xabar kelgan. «Manchester Yunayted» futbolchisi yordam so‘rab Cheshir polisiyasiga murojaat qilgan, ular uyni itlar yordamida tintuv qilgan, ammo hech narsa topa olmagan.

Maguayr «Manchester Yunayted»da 2019 yilning avgust oyidan buyon o‘ynamoqda. U «Lester Siti»dan 87 million yevro evaziga ko‘chib o‘tgan. O‘yinchining klub bilan shartnomasi 2025 yilning iyunigacha amal qiladi. Transfermarkt ma’lumotlariga ko‘ra, futbolchining bozor qiymati 40 million yevroni tashkil qiladi.

Maguayr joriy mavsumda Premer-ligada 28 ta o‘yinda maydonga tushib, 1 ta gol urgan.