«Манчестер Юнайтед» ҳимоячиси ва сардори Гарри Магуайрнинг уйига бомба қўйилиши хавфи бор, деб хабар бермоқда Daily Mail.

Манбага кўра, футболчининг электрон почтасига хотини ва икки фарзанди билан яшаётган уйда портлаш содир бўлиши мумкинлиги ҳақида хабар келган. «Манчестер Юнайтед» футболчиси ёрдам сўраб Чешир полициясига мурожаат қилган, улар уйни итлар ёрдамида тинтув қилган, аммо ҳеч нарса топа олмаган.

Магуайр «Манчестер Юнайтед»да 2019 йилнинг август ойидан буён ўйнамоқда. У «Лестер Сити»дан 87 миллион евро эвазига кўчиб ўтган. Ўйинчининг клуб билан шартномаси 2025 йилнинг июнигача амал қилади. Трансфермаркт маълумотларига кўра, футболчининг бозор қиймати 40 миллион еврони ташкил қилади.

Магуайр жорий мавсумда Премер-лигада 28 та ўйинда майдонга тушиб, 1 та гол урган.