O‘zbekiston Kubogi guruh bosqichi 3-turidan o‘rin olgan “Bunyodkor” – “Buxoro” (5:0) uchrashuvidan so‘ng mezbonlar bosh murabbiyi Shuhrat Maqsudov fikrlari bilan o‘rtoqlashdi.
- Dastavval jamoamiz muxlislari, futbolchilarni, klub xodimlarini g‘alaba bilan tabriklayman! Kubokdagi yurishimizni davom ettirish uchun dastlabki qadamni tashladik. Guruhimiz kuchli edi. Uchta Superliga va bitta Pro liga vakili. Har bir raqibga qarshi jiddiy tayyorgarlik ko‘rdik. Birinchi bo‘limda tarkibimizda 4 nafar, ikkinchi bo‘limda 7-8 nafar tarbiyalanuvchimiz harakat qildi. O‘ylaymanki, yoshlar o‘yinni “buzmadi”. Futbolchilarga minnatdorchilik bildiraman. Bilol Tupliyevdan xursandman, bugun nafaqat u balki barcha yoshlar yaxshi harakat qildi. Biz to‘g‘ri yo‘ldamiz. “Neftchi” bilan o‘yinga tayyorgarlik uchun vaqtimiz qisqa. O‘ylaymanki, bu ham yaxshilikka. Kuchli jamoa, lekin biz g‘alaba uchun maydonga chiqamiz.
