«PSJ» vingeri Anxel Di Mariya Italiya chempionatiga o‘tishi mumkin.

34 yoshli argentinalik futbolchining parijliklar bilan shartnomasi iyun oyida yakuniga yetadi.

Tuttomercatoweb xabariga ko‘ra, Di Mariya vakillari bilan «Yuventus» mutasaddilari bog‘langan va ular futbolchini shu yozda erkin agent sifatida o‘z joyiga taklif qilishga tayyor.

Yarim himoyachining o‘zi ham faoliyatini yakunlamasdan oldin Argentina chempionatida o‘ynash niyatida bo‘lgani uchun bir yoki ikki yillik shartnoma tuzmoqchi.

Di Mariyaning parijliklar bilan amaldagi shartnomasi avtomatik ravishda bir yilga uzaytirilishini ko‘zda tutilgan, biroq ko‘plab mish-mishlarga ko‘ra, parijliklar mavsum oxirida yosh futbolchi bilan xayrlashishga tayyor.

Joriy mavsumda Anxel Di Mariya "PSJ" safida 26 ta o‘yinda maydonga tushib, 3 ta gol va 7 ta golli uzatmaga mualliflik qilgan.