«ПСЖ» вингери Анхел Ди Мария Италия чемпионатига ўтиши мумкин.
34 ёшли аргентиналик футболчининг парижликлар билан шартномаси июнь ойида якунига етади.
Tuttomercatoweb хабарига кўра, Ди Мария вакиллари билан «Ювентус» мутасаддилари боғланган ва улар футболчини шу ёзда эркин агент сифатида ўз жойига таклиф қилишга тайёр.
Ярим ҳимоячининг ўзи ҳам фаолиятини якунламасдан олдин Аргентина чемпионатида ўйнаш ниятида бўлгани учун бир ёки икки йиллик шартнома тузмоқчи.
Ди Мариянинг парижликлар билан амалдаги шартномаси автоматик равишда бир йилга узайтирилишини кўзда тутилган, бироқ кўплаб миш-мишларга кўра, парижликлар мавсум охирида ёш футболчи билан хайрлашишга тайёр.
Жорий мавсумда Анхел Ди Мария "ПСЖ" сафида 26 та ўйинда майдонга тушиб, 3 та гол ва 7 та голли узатмага муаллифлик қилган.