Afsonaviy braziliyalik futbolchi Ronaldinyo orzusidagi jamoasiga olib ketadigan futbolchi nomini aytdi.
“Agar futbol tarixidagi bitta odamni tanlash imkoniyati bo‘lganida Maradonani tanlagan bo‘lardim. Men u bilan hech qachon o‘ynamaganman, faqat uning o‘yinlarini ko‘rganman. Agar u mening jamoamda bo‘lsa, ajoyib bo‘lardi», - dedi Ronaldinyo Delantero09 bilan suhbatda.
Ronaldinyoning faoliyati 1998 yildan 2015 yilgacha davom etgan. Braziliyalik futbolchining yutuqlari orasida 2002 yil Janubiy Koreya va Yaponiyada bo‘lib o‘tgan jahon chempionati, 1999 yil Paragvayda bo‘lib o‘tgan Amerika kubogi va 2006 yilgi Chempionlar ligasidagi g‘alabalarni alohida ta’kidlash mumkin. 2005 yilda braziliyalik «Oltin to‘p» mukofotini oldi.
