Афсонавий бразилиялик футболчи Роналдиньо орзусидаги жамоасига олиб кетадиган футболчи номини айтди.
“Агар футбол тарихидаги битта одамни танлаш имконияти бўлганида Марадонани танлаган бўлардим. Мен у билан ҳеч қачон ўйнамаганман, фақат унинг ўйинларини кўрганман. Агар у менинг жамоамда бўлса, ажойиб бўларди», - деди Роналдиньо Delantero09 билан суҳбатда.
Роналдиньонинг фаолияти 1998 йилдан 2015 йилгача давом этган. Бразилиялик футболчининг ютуқлари орасида 2002 йил Жанубий Корея ва Японияда бўлиб ўтган жаҳон чемпионати, 1999 йил Парагвайда бўлиб ўтган Америка кубоги ва 2006 йилги Чемпионлар лигасидаги ғалабаларни алоҳида таъкидлаш мумкин. 2005 йилда бразилиялик «Олтин тўп» мукофотини олди.
