“Lasio” yarim himoyachisi Sergey Milinkovich-Savich faoliyatini Angliyada davom ettirishi mumkin. 90min xabariga ko‘ra, "Fulxem" serbiyalik futbolchi bilan shartnoma imzolashni rejalashtirmoqda.
Shu haftada London klubi Premyer-ligaga qaytgani ma’lum bo‘ldi. Jamoaning eng yaxshi to‘purari Aleksandr Mitrovich Serbiya terma jamoasidagi sherigini o‘z jamoasiga o‘tishga ko‘ndirishga harakat qiladi.
Milinkovich-Savichning amaldagi shartnomasi 2024 yilning iyunigacha mo‘ljallangan. Transfermarkt portali futbolchining narxini 70 million yevroga baholamoqda.
Serb futbolchi joriy mavsumda barcha turnirlarda 42 ta o‘yinda maydonga tushib, 9 ta gol urdi va 11 ta golli uzatmani amalga oshirdi.
