“Лацио” ярим ҳимоячиси Сергей Милинкович-Савич фаолиятини Англияда давом эттириши мумкин. 90min хабарига кўра, "Фулхэм" сербиялик футболчи билан шартнома имзолашни режалаштирмоқда.
Шу ҳафтада Лондон клуби Премьер-лигага қайтгани маълум бўлди. Жамоанинг энг яхши тўпурари Александр Митрович Сербия терма жамоасидаги шеригини ўз жамоасига ўтишга кўндиришга ҳаракат қилади.
Милинкович-Савичнинг амалдаги шартномаси 2024 йилнинг июньигача мўлжалланган. Трансфермаркт портали футболчининг нархини 70 миллион еврога баҳоламоқда.
Серб футболчи жорий мавсумда барча турнирларда 42 та ўйинда майдонга тушиб, 9 та гол урди ва 11 та голли узатмани амалга оширди.