"PSJ" darvozaboni Keylor Navas yozda parijliklar safini tark etish niyatida, deb xabar beradi "L'Équipe".
Oldinroq kosta-rikalik 35 yoshli darvozabon o‘yin vaqti kamligidan noroziligini bildirgandi.
Ma’lumot o‘rnida, Keylor Navas joriy mavsumda "PSJ" safida barcha turnirlarda 23 ta o‘yinda maydonga tushib, 9 tasida o‘z darvozasi daxlsizligini saqlab qolgan. Shuningdek, 21 ta gol o‘tkazib yuborgan.
Uning fransuz klubi bilan shartnomasi 2024 yilning 30 iyuniga qadar mo‘ljallangan. Transfermarkt portali darvozabonning narxini 10 million yevroga baholamoqda.