"ПСЖ" дарвозабони Кейлор Навас ёзда парижликлар сафини тарк этиш ниятида, деб хабар беради "L'Équipe".
Олдинроқ коста-рикалик 35 ёшли дарвозабон ўйин вақти камлигидан норозилигини билдирганди.
Маълумот ўрнида, Кейлор Навас жорий мавсумда "ПСЖ" сафида барча турнирларда 23 та ўйинда майдонга тушиб, 9 тасида ўз дарвозаси дахлсизлигини сақлаб қолган. Шунингдек, 21 та гол ўтказиб юборган.
Унинг француз клуби билан шартномаси 2024 йилнинг 30 июнига қадар мўлжалланган. Трансфермаркт портали дарвозабоннинг нархини 10 миллион еврога баҳоламоқда.