"Lill" himoyachisi Sven Botman keyingi mavsumda "Milan" sharafini himoya qiladi. Bu haqida jurnalist Nikolo Skira xabar berdi.
Manbaga ko‘ra, tomonlar 2027 yilgacha mo‘ljallangan shartnoma borasida kelishib olishdi. Unga ko‘ra, italyan klubiba Botman har mavsumda 3 million yevro oladi (bonuslardan tashqari).
Hozirda "Milan" "Lill" bilan transfer summasini kelishib olishi kerak. Futbolchining fransuz klubi bilan shartnomasi 2025 yilning yozida yakuniga etadi.
Joriy mavsumda 22 yoshli niderlandiyalik futbolchi klubi safida barcha turnirlar doirasida 28 ta o‘yinda maydonga tushib, 3 ta gol urdi va bitta golli uzatmani amalga oshirdi. Transfermarkt Botmanni 30 million yevroga baholagan.













