"Лилль" ҳимоячиси Свен Ботман кейинги мавсумда "Милан" шарафини ҳимоя қилади. Бу ҳақида журналист Николо Скира хабар берди.
Манбага кўра, томонлар 2027 йилгача мўлжалланган шартнома борасида келишиб олишди. Унга кўра, итальян клубиба Ботман ҳар мавсумда 3 миллион евро олади (бонуслардан ташқари).
Ҳозирда "Милан" "Лилль" билан трансфер суммасини келишиб олиши керак. Футболчининг француз клуби билан шартномаси 2025 йилнинг ёзида якунига этади.
Жорий мавсумда 22 ёшли нидерландиялик футболчи клуби сафида барча турнирлар доирасида 28 та ўйинда майдонга тушиб, 3 та гол урди ва битта голли узатмани амалга оширди. Трансфермаркт Ботманни 30 миллион еврога баҳолаган.
