Italiyaning "Milan" klubi yozgi transfer oynasida tarkibida bir qator o‘zgarishlar amalga oshirmoqchi.
La Gazette Dello Sport nashrining ma’lumotiga ko‘ra, milanliklar yarim himoyachi Timuye Bakayoko, vingerlar Junior Messias va Samuel Kastilyexo bilan navbatdagi transfer oynasida xayrlashmoqchi. Ular jamoa bosh murabbiyi Stefano Piolining kelasi mavsum uchun rejalariga kiritilmagan.
Avvalroq "rossonerilar" hujumch chizig‘ini kuchaytirish maqsadida "Real" vingeri Marko Asensio bilan shartnoma imzolamoqchi ekanligi ma’lum bo‘lgandi.