RMC Sport xabariga ko‘ra, "Milan" "Lion" yarim himoyachisi Maksens Kakere atrofidagilar bilan aloqaga chiqdi.

Manbaga ko‘ra, Italiya klubi yozda 22 yoshli fransiyalik futbolchini sotib olmoqchi. Yaqin bir necha hafta ichida "Milan" vakillari "Lion" bilan uchrashib, futbolchining kelajagini muhokama qilish va transfer borasida kelishib olmoqchi.

Ma’lumot o‘rnida, Kakerening fransuz klubi bilan shartnomasi 2023 yilning iyunida yakuniga etadi. "Lion" allaqachon futbolchiga maoshini 4 barobar oshirish bilan shartnomani uzaytirishni taklif qilgan.

Qayd etilishicha, Kakere Chempionlar ligasida o‘ynash istagi tufayli "Milan"ga o‘tishga rozi bo‘lishi mumkin.

Joriy mavsumda markaziy yarim himoyachi “Lion” tarkibida 37 ta o‘yinda maydonga tushib, 1 ta golli uzatmani amalga oshirdi. Transfermarkt portali uni 20 million yevroga baholamoqda.