RMC Sport хабарига кўра, "Милан" "Лион" ярим ҳимоячиси Максенс Какере атрофидагилар билан алоқага чиқди.
Манбага кўра, Италия клуби ёзда 22 ёшли франциялик футболчини сотиб олмоқчи. Яқин бир неча ҳафта ичида "Милан" вакиллари "Лион" билан учрашиб, футболчининг келажагини муҳокама қилиш ва трансфер борасида келишиб олмоқчи.
Маълумот ўрнида, Какеренинг француз клуби билан шартномаси 2023 йилнинг июнида якунига этади. "Лион" аллақачон футболчига маошини 4 баробар ошириш билан шартномани узайтиришни таклиф қилган.
Қайд этилишича, Какере Чемпионлар лигасида ўйнаш истаги туфайли "Милан"га ўтишга рози бўлиши мумкин.
Жорий мавсумда марказий ярим ҳимоячи “Лион” таркибида 37 та ўйинда майдонга тушиб, 1 та голли узатмани амалга оширди. Transfermarkt портали уни 20 миллион еврога баҳоламоқда.
