"Milan", "Napoli" va "Lasio" yozgi transferlar vaqtida "Verona" himoyachisi Nikolo Kazaleni sotib olishga qiziqish bildirmoqda.
La Gazette Dello Sport xabariga ko‘ra, "Milan" yanvar oyida Kazaleni sotib olishga uringan, biroq "Verona" uni rad etgan. Himoyachiga qiziqish katta bo‘lishiga qaramay, milanliklar uni zaxira o‘yinchisi sifatida ko‘rishadi.
Kazale joriy mavsum “Verona” safida 31 ta o‘yinda maydonga tushdi va 2 ta golli uzatmani amalga oshirdi.
24 yoshli italiyalikning shartnomasi 2026 yilning iyunigacha amal qiladi. Transfermarkt portali futbolchini olti million yevroga baholamoqda.