"Милан", "Наполи" ва "Лацио" ёзги трансферлар вақтида "Верона" ҳимоячиси Николо Казалени сотиб олишга қизиқиш билдирмоқда.
La Gazette Dello Sport хабарига кўра, "Милан" январь ойида Казалени сотиб олишга уринган, бироқ "Верона" уни рад этган. Ҳимоячига қизиқиш катта бўлишига қарамай, миланликлар уни захира ўйинчиси сифатида кўришади.
Казале жорий мавсум “Верона” сафида 31 та ўйинда майдонга тушди ва 2 та голли узатмани амалга оширди.
24 ёшли италияликнинг шартномаси 2026 йилнинг июнигача амал қилади. Transfermarkt портали футболчини олти миллион еврога баҳоламоқда.
