"Aston Villa"da ijarada harakat qilayotgan "Barselona" yarim himoyachisi Filippe Koutinyoga "Nyukasl" jiddiy qiziqish bildirmoqda.

Sport nashrining ma’lumotiga ko‘ra, "hakkalar" braziliyalik futbolchi uchun kataloniyaliklarga 40 million yevro to‘lashga tayyor. Shuningdek, ular futbolchiga uning "Barsa"da olgan maoshini bermoqchi. Yakuniy qarorni Koutinyoning o‘zi qabul qiladi.

Ma’lumot o‘rnida, 29 yoshli yarim himoyachi joriy mavsum APDda 12 ta o‘yinda raqiblar darvozasini 4 bor ishg‘ol qildi va 3 ta golli uzatmani amalga oshirdi. Transfermarkt portali uni 20 million yevroga baholagan.