Bugun A seriyaning 34-turi doirasidagi o‘yinda «Venesiya» o‘z maydonida «Atalanta»ni qabul qilmoqda va hozircha 0:2 hisobida mag‘lub bo‘lmoqda (60-daqiqa).

«Atalanta»ning bu o‘yindagi ikkinchi goliga hujumchi Duvan Sapata mualliflik qildi. 31 yoshli kolumbiyalik uchun bu gol A seriyaning joriy mavsumidagi 10-goli bo‘ldi.

Opta ma’lumotlariga ko‘ra, Sapata A seriyaning so‘nggi olti mavsumida kamida 10 ta gol urgan ikkinchi futbolchiga aylandi. Jumladan, avvalroq «Lasio» hujumchisi Chiro Immobile ham ushbu natijani amalga oshirgandi.