Milandagi «San-Siro» (Juzeppe Meassa) stadionida Italiya A seriyasining 2021/2022 yilgi mavsumi 34-turi doirasidagi uchrashuvda «Inter» o‘z maydonida «Roma»ni qabul qildi. Qiziqarli kechgan uchrashuvda mezbonlar 3:1 hisobida g‘alaba qozonishdi.
Birinchi bo‘limda hisob ochildi. O‘yinning 30-daqiqasida «neradzurrilar» himoyachisi Denzel Dumfris gol urgan bo‘lsa, 40-daqiqada yarim himoyachi Marselo Brozovich jamoasining ikkinchi goliga mualliflik qildi.
52-daqiqada hujumchi Lautaro Martines hisobni yirik ko‘rinishga keltirdi. 85-daqiqada Eldor Shomurodovning assistidan keyin «Roma» yarim himoyachisi Genrix Mxitaryan hisobni bittaga qisqartirdi
«Inter» klubi 33 uchrashuvda 72 ochko to‘pladi va Italiya A seriyasining turnir jadvalida birinchi o‘rinda bormoqda. «Roma» (58) - 5-o‘rinda.
«Inter» – «Roma» 3:1
«Djuzeppe Meassa (San-Siro)» stadioni
Gollar: 1:0 – 30 Dumfris, 2:0 – 40 Brozovich, 3:0 – 52 Martines, 3:1 – 85 Mxitaryan.
«Inter» – Xandanovich, Dumfris, de Vrey, Shkrinyar, Dimarko (Bastoni, 64), Perishich (Gozens, 72), Brozovich (Galyardini, 72), Chalxanoglu, Barella, Djeko (Korrea, 63), Martines (Sanches, 82).
«Roma» – Ruy Patrisiu, Karsdorp, Smolling, Manchini, Rojer, Zalevski (Vinya, 78), Mxitaryan, Serjiu Oliveyra (Bove, 80), Pellegrini (Veretu, 64), El-SHaaravi (Karles Peres, 64), Abraxam (Shomurodov, 78).
Ogohlantirishlar: Manchini (36), Brozovich (45), Serjiu Oliveyra (79), Chalxanoglu (87).
