Amsterdamning «Ayaks» klubi Niderlandiya chempionati doirasida safarda NEK bilan kechgan o‘yinda Brayan Brobbi tomonidan kiritilgan gol evaziga qiyinchilik bilan g‘alabaga erishdi.
Sentyabr oyida 40 yoshga to‘ladigan niderlandiyalik darvozabon Marten Stekelenburg ushbu uchrashuvda "Ayaks" tarkibida o‘z darvozasi dahlsizligini saqlab qoldi.
Stekelenburg bir necha o‘yin davomida asosiy tarkibda maydonga tushmadi. «Ayaks» ustozi Erik ten Xag kamerunlik darvozabon Andre Onanani asosiy tarkibda darvozaga qo‘yishni afzal ko‘rdi.
39 yosh 7 oylik bo‘lgan Stekelenburg «Ayaks» tarkibida asosiy tarkibda maydonga tushgan eng keksa futbolchiga aylandi.
