Амстердамнинг «Аякс» клуби Нидерландия чемпионати доирасида сафарда НЕК билан кечган ўйинда Брайан Бробби томонидан киритилган гол эвазига қийинчилик билан ғалабага эришди.
Сентябр ойида 40 ёшга тўладиган нидерландиялик дарвозабон Мартен Стекеленбург ушбу учрашувда "Аякс" таркибида ўз дарвозаси даҳлсизлигини сақлаб қолди.
Стекеленбург бир неча ўйин давомида асосий таркибда майдонга тушмади. «Аякс» устози Эрик тен Хаг камерунлик дарвозабон Андре Онанани асосий таркибда дарвозага қўйишни афзал кўрди.
39 ёш 7 ойлик бўлган Стекеленбург «Аякс» таркибида асосий таркибда майдонга тушган энг кекса футболчига айланди.
