Yurgen Klopp klubning sovrinlar soni va jamoatchilikning «Liverpul» haqidagi tasavvuri o‘rtasidagi bog‘liqlik haqida gapirdi.
Nemis murabbiyi agar faqat yutuqlarga qarasangiz, uning jamoasi «Manchester Siti» soyasida qolishi va munosib hurmatga sazovor bo‘lmasligi mumkinligini aytdi.
«Ehtimol shundaydir, chunki dunyoda sovrinlar birinchi o‘rinda turadi. Ammo menimcha, biz ajoyib mavsumni o‘tkazmoqdamiz va hech narsa yuta olmasak ham shunday bo‘lib qolaveradi.
Agar biz Chempionlar ligasi finaliga chiqsak, bu hali ham ajoyib mavsum bo‘ladi, lekin, albatta, biz unda g‘alaba qozonishdan keladigan hurmatni olmaymiz. Biroq, bu tabiiydir.
Agar «Man Siti» bo‘lmaganida, hech bo‘lmaganda yana bitta sovringa ega bo‘lardik, dedim. Xuddi shunday, «Borussiya» bilan ham, agar Pep Gvardiola «Bavariya»da ishlamaganida, men yana bir-ikki unvonga ega bo‘lardim.
Lekin bu meni g‘azablantirmaydi. Mendan ustun kelganni doim hurmat qilganman. Biz kuchli va zaif tomonlarimizni qabul qilishni o‘rganishimiz kerak», — deydi Klopp.
