Юрген Клопп клубнинг совринлар сони ва жамоатчиликнинг «Ливерпуль» ҳақидаги тасаввури ўртасидаги боғлиқлик ҳақида гапирди.
Немис мураббийи агар фақат ютуқларга қарасангиз, унинг жамоаси «Манчестер Сити» соясида қолиши ва муносиб ҳурматга сазовор бўлмаслиги мумкинлигини айтди.
«Эҳтимол шундайдир, чунки дунёда совринлар биринчи ўринда туради. Аммо менимча, биз ажойиб мавсумни ўтказмоқдамиз ва ҳеч нарса юта олмасак ҳам шундай бўлиб қолаверади.
Агар биз Чемпионлар лигаси финалига чиқсак, бу ҳали ҳам ажойиб мавсум бўлади, лекин, албатта, биз унда ғалаба қозонишдан келадиган ҳурматни олмаймиз. Бироқ, бу табиийдир.
Агар «Ман Сити» бўлмаганида, ҳеч бўлмаганда яна битта совринга эга бўлардик, дедим. Худди шундай, «Боруссия» билан ҳам, агар Пеп Гвардиола «Бавария»да ишламаганида, мен яна бир-икки унвонга эга бўлардим.
Лекин бу мени ғазаблантирмайди. Мендан устун келганни доим ҳурмат қилганман. Биз кучли ва заиф томонларимизни қабул қилишни ўрганишимиз керак», — дейди Клопп.
