«Yuventus» rahbariyati «PSJ» yarim himoyachisi Anxel Di Mariyaning agentlari bilan uchrashib, ehtimoliy transfer tafsilotlarini muhokama qildi, deb yozadi jurnalist Janluka Di Marsio.
Yozda futbolchi erkin agent sifatida Parij klubini tark etishi xabar qilingandi. «PSJ» argentinalik futbolchi bilan shartnomani uzaytirmoqchi emas.
Futbolchiga «Barselona», «Atletiko» va «Inter» klublari ham qiziqish bildirishgan.
34 yoshli Di Mariya joriy mavsum parijliklar safida 22 ta o‘yinda maydonga tushib, 3 ta gol va 5 ta golli uzatmani amalga oshirdi.
