«Ювентус» раҳбарияти «ПСЖ» ярим ҳимоячиси Анхель Ди Мариянинг агентлари билан учрашиб, эҳтимолий трансфер тафсилотларини муҳокама қилди, деб ёзади журналист Жанлука Ди Марцио.
Ёзда футболчи эркин агент сифатида Париж клубини тарк этиши хабар қилинганди. «ПСЖ» аргентиналик футболчи билан шартномани узайтирмоқчи эмас.
Футболчига «Барселона», «Атлетико» ва «Интер» клублари ҳам қизиқиш билдиришган.
34 ёшли Ди Мария жорий мавсум парижликлар сафида 22 та ўйинда майдонга тушиб, 3 та гол ва 5 та голли узатмани амалга оширди.
