Kecha "Pari Sen-Jermen" Fransiya chempionati 34-turidan o‘rin olgan uchrashuvda "Lans" bilan 1:1 hisobida durang o‘ynab, mamlakat chempionligini oldindan rasmiylashtirdi.

— “PSJ” Liga 1 dagi 10-chempionligini qo‘lga kiritdi va bu borada “Sent-Etyen”ning rekordini takrorladi;

— Parij jamoasi so‘nggi 10 mavsumda 8-marta Fransiya chempionligini qo‘lga kiritdi. Oxirgi dekadada faqat “Monako” va “Lill” seriyani buza olgan;

— Marko Veratti 8-marta Fransiya chempioniga aylandi. Hech qaysi futbolchi undan ko‘p Liga 1 ni yutmagan;

— Bu Messi uchun “Barselona”dan keyin, Ramos uchun esa “Real”dan keyingi klub bilan qo‘lga kiritilgan dastlabki sovrin bo‘ldi;

— Pochettino esa murabbiy sifatida ilk bor milliy chempionat g‘olibiga aylandi. Uning hisobida Fransiya Superkubogi va kubogi sovrinlari bor;

— Messi so‘nggi 5 mavsumda liga doirasida 36 marta jarima maydoni tashqarisidan gol urdi. Bu top-5 ligalarda eng yaxshi natija. Ikkinchi o‘rinda Dris Mertens (18) bormoqda;

— Bu Messi va Neymar uchun birgalikdagi 10-sovrin bo‘ldi. Ular birga “Barsa”da 9 ta sovringa ega chiqqandi.