Кеча "Пари Сен-Жермен" Франция чемпионати 34-туридан ўрин олган учрашувда "Ланс" билан 1:1 ҳисобида дуранг ўйнаб, мамлакат чемпионлигини олдиндан расмийлаштирди.

— “ПСЖ” Лига 1 даги 10-чемпионлигини қўлга киритди ва бу борада “Сент-Этьен”нинг рекордини такрорлади;

— Париж жамоаси сўнгги 10 мавсумда 8-марта Франция чемпионлигини қўлга киритди. Охирги декадада фақат “Монако” ва “Лилль” серияни буза олган;

— Марко Вератти 8-марта Франция чемпионига айланди. Ҳеч қайси футболчи ундан кўп Лига 1 ни ютмаган;

— Бу Месси учун “Барселона”дан кейин, Рамос учун эса “Реал”дан кейинги клуб билан қўлга киритилган дастлабки соврин бўлди;

— Почеттино эса мураббий сифатида илк бор миллий чемпионат ғолибига айланди. Унинг ҳисобида Франция Суперкубоги ва кубоги совринлари бор;

— Месси сўнгги 5 мавсумда лига доирасида 36 марта жарима майдони ташқарисидан гол урди. Бу топ-5 лигаларда энг яхши натижа. Иккинчи ўринда Дрис Мертенс (18) бормоқда;

— Бу Месси ва Неймар учун биргаликдаги 10-соврин бўлди. Улар бирга “Барса”да 9 та совринга эга чиққанди.