«Yuventus» hujumchisi Paulo Dibala faqat ikki klub bilan ehtimoliy transferni muhokama qildi.

Argentinalik futbolchi mavsum oxirida erkin agentga aylanadi, chunki uning «Yuventus» bilan amaldagi shartnomasi uzaytirilmagan.

Calciomercato xabariga ko‘ra, Dibalaning xizmatlariga ko‘plab klublar qiziqish bildirayotganiga qaramay, faqat «Inter» va «Atletiko» klublari 28 yoshli futbolchining vakillari bilan bog‘lanishgan.

Eslatib o‘tamiz, avvalroq Dibalaga Angliya premyer-ligasi vakillari, shuningdek, «PSJ» va «Barselona»dan talab yuqori ekani haqida xabar berilgandi.

Paulo Dibala joriy mavsum «Yuventus» safida 33 ta o‘yinda maydonga tushdi. Uning hisobida 13 ta gol va 6 ta golli uzatma bor.